નખત્રાણા તાલુકાના વડવાકાયા ગામની સીમમાં જમીનના સોદાપેટે ગામના જ એક શખ્સે ૧૯.૩૫ લાખ પડાવી લેતા સમગ્ર મામલો પોલીસ દ્વારે પહોંચ્યો છે. જાણવા મળતી વિગતો મુજબ ભુજની જુની રાવલવાડીના ગરબી ચોકમાં રહેતા મુલાબાઈ પ્રેમજીભાઈ લાંભાએ વડવાકાયા ગામના વિક્રમસિંહ સ્વરૃપસિંહ જાડેજા અને દલાલ તરીકે કામ કરનારા ઉમર અબડા રહે વાંઢ વિરુદ્ધ ફરીયાદ નોંધાવી હતી જેમાં લખાવાયું હતું કે, એક વર્ષ પૂર્વે તે વિક્રમસિંહના સંપર્કમાં આવ્યા હતા, તેણે સર્વે નંબર ૧૨૨ પૈકીની .............. ખેતીની જમીન ર૫ લાખમાંવહેચવા નોટરી સમક્ષ સાટાકરાર કરાવ્યા હતા. ૨૫ લાખ પૈકી તેમણે ૧૯.૩૫ લાખ રૃપિયા આપી દીધા હોવા છતાં આજદિન સુધી દસ્તાવેજ બનાવી આપ્યા ન હતા. સામાવાળા ઈસમે જાતિ પ્રત્યે અપમાનિત કરીને ભોગ બનનારના પતિને જાનથી મારી નાખવાની ધમકી ઉચ્ચારી હતી. સમગ્ર ઘટનામાં નખત્રાણા પોલીસે ૪૦૬, ૪૨૦, ૫૦૪, ૫૦૬(૨)૧૧૪ તેમજ એટ્રોસીટીની જુદી જુદી કલમો તળે ગુનો નોંધીને વધુ તપાસ હાથ ધરી છે. અગાઉના રેકર્ડના આધારે પણ તપાસ આગળ વધારવામાં આવી છે.
કચ્છની સૌથી વધારે ફેલાવો ધરાવતી ન્યુઝ ચેનલ