માંડવી તાલુકાના ફરાદી ગામે રહેતી 55 વર્ષિય આધેડ મહિલાએ પોતાના ઘરના બાથરૂમમાં કેરોસીન છાંટી સળગી મરતાં ચકચાર મચી ગઇ છે. પોલીસ સુત્રોમાંથી જાણવા મળેલી વિગત અનુસાર ફરાદીમાં રહેતી 55 વર્ષિય જીવાંબેન પચાણ મહેશ્વરી બપોરે 4 વાગ્યાના અરસામાં ન્હાવાનું કહી બાથરૂમમાં ગયા હતા. બાથરૂમમાં ગયા બાદ તેણે પોતાના શરીર પર કેરોસીન છાંટી અગનપછેડી ઓઢી લીધી હતી. અામહિલા ભડભડ સળગવા લાગતાં તેના પરિવારજનો તેને પ્રથમ માંડવીની સરકારી હોસ્પિટલ બાદ વધુ સારવાર અર્થે ભુજની જનરલ હોસ્પિટલમાં લઇ ગયા હતા. જોકે સારવાર કારગત ન નિવડતાં સાંજે સાડા સાત વાગ્યે આ મહિલાએ અંતિમ શ્વાસ લીધા હતા. જોકે મહિલાએ કયા કારણોસર જાત જલાવી તેનું કારણ હજુ સુધી અકળ રહ્યું છે. પોલીસે બનાવ અંગે પરિવારજનોના નિવેદન નોંધવા સહિતની આગળની કાર્યવાહી આદરી છે.
કેમ્પ એરીયામાં જફાર રમજુ થેબાની હત્યા.. (મૃતક જફાર ની ફાઇલ તસ્વીર) અવારનવાર ભુજના ભીડ ફળીયા અને કેમ્પ એરિયામાં હત્યા અને હુમલાના બનાવો બનતા હોય છે. ગુન્હાખોરીનો ગ્રાફ આ વિસ્તારમાં કાયમ ઉંચકાયેલો જોવા મળે છે ત્યારે આજે (૨૨-૧) કેમ્પ એરિયામાં જફાર રમજુ થેબાની હત્યા થઇ હતી. જફારને છરી મારનાર સિકંદર અનવર લાખા નામનો વ્યક્તિ હોવાનું બહાર આવ્યું છે. વધુ વિગતો પોલીસ તપાસ બાદ બહાર આવશે. અહેવાલ અને તસ્વીર-કિરણ ગોરી (હત્યા થઈ તે સ્થળ)
Comments
Post a Comment