માંડવી તાલુકાના નાની ખાખર ગામેથી માંડવી પોલીસે 96 હજાર રૂપિયાની કિંમતનો વિદેશી શરાબનો જથ્થો ઝડપી પાડ્યો છે. જો કે, દરોડા દરમિયાન આરોપી પોલીસને થાપ આપી નાસી છુટવામાં સફળ રહ્યો હતો. બાતમીના આધારે માંડવી પોલીસે રવિવારે સાંજે છ વાગ્યે નાની ખાખરમાં રહેતાં જયદીપસિંહ રણજીતસિંહ ઊર્ફે રાણુભા વેલુભા જાડેજાની માલિકીના બંધ રહેણાંક મકાનમાં દરોડો પાડ્યો હતો. દરોડા વાળી જગ્યાએથી પોલીસને ભારતીય બનાવટના અંગ્રેજી શરાબની 96 હજાર રૂપિયાની કિંમતની 240 નંગ બોટલ મળી આવી હતી. બનાવ અંગે બીદડા ઓપીના જમાદાર હરેશભાઈ ગઢવીએ આરોપી વિરૂધ્ધ નશાબંધી ધારા હેઠળ ફરિયાદ નોંધાવી તેને ઝડપી પાડવા તજવીજ હાથ ધરી હતી.
કેમ્પ એરીયામાં જફાર રમજુ થેબાની હત્યા.. (મૃતક જફાર ની ફાઇલ તસ્વીર) અવારનવાર ભુજના ભીડ ફળીયા અને કેમ્પ એરિયામાં હત્યા અને હુમલાના બનાવો બનતા હોય છે. ગુન્હાખોરીનો ગ્રાફ આ વિસ્તારમાં કાયમ ઉંચકાયેલો જોવા મળે છે ત્યારે આજે (૨૨-૧) કેમ્પ એરિયામાં જફાર રમજુ થેબાની હત્યા થઇ હતી. જફારને છરી મારનાર સિકંદર અનવર લાખા નામનો વ્યક્તિ હોવાનું બહાર આવ્યું છે. વધુ વિગતો પોલીસ તપાસ બાદ બહાર આવશે. અહેવાલ અને તસ્વીર-કિરણ ગોરી (હત્યા થઈ તે સ્થળ)
Comments
Post a Comment