લોકરક્ષક પેપર લીક કૌભાંડમાં જાણો વધુ કેટલા શકમંદો પકડાયા : મુખ્ય સૂત્રધાર હજુ ફરાર..

લોકરક્ષક પેપર લીક કૌભાંડમાં હજુ સુધી મુખ્ય સુત્રધાર હાથમાં આવ્યો નથી ત્યારે આજે વધુ પાંચ શકમંદોની અટકાયત કરી સઘન પૂછપરછ હાથ ધરવામાં આવી છે. જેમાં ભાજપના અરવલ્લી જીલ્લા મહામંત્રી જયેન્દ્ર રાવલ સહીત રૂપલ શર્મા અને મનહર પટેલના સંપર્કમાં રહેલા આ શકમંદો પાસેથી પોલીસને વધુ વિગતો મળે તેવી શક્યતા છે. જ્યારે પોલીસની પકડથી દુર રહેલા યશપાલસિંહ સોલંકીના પત્ની દિવ્યાબાએ જણાવ્યું છે કે, મારા પતિ દિલ્હી જઈ શકે તેટલા પૈસા પણ નથી, પરંતુ કોઈ મોટા માથાંએ તેમને ફસાવ્યા છે.

લોકરક્ષક પેપર લીક કૌભાંડ આજે ત્રીજા દિવસે પણ સતત ચર્ચાસ્પદ રહ્યું છે. જેમાં ગઈકાલે પકડાયેલા ચાર આરોપીઓને ૧૦ દિવસના રિમાન્ડ પર લીધા બાદ આજે બીજા પાંચ શકમંદોની અટકાયત કરવામાં આવી છે. ૧૦ દિવસ પહેલા ભાજપના આગેવાન મનહર પટેલ તેમજ શ્રી રામ હોસ્ટેલની રેક્ટર રૂપલ શર્મા સાથે સંપર્કમાં રહેલા ભાજપના અરવલ્લી જીલ્લા મહામંત્રી જયેન્દ્ર રાવલની પણ ધરપકડ કરવામાં આવી છે. પોલીસ દ્વારા આ ઉપરાંત ભાજપના અગ્રણી અને આરોપી મુકેશ ચૌધરીના ભાઈ નરેન્દ્ર ચૌધરી, અજયસિંહ પરમાર, ઉત્તમસિંહ ભાટી, ચૌધરી તેમજ રમોસના પ્રીતેશ પટેલની અટકાયત કરવામાં આવી છે.

પોલીસ દ્વારા આ શકમંદોની સઘન પુછપરછ કરી કયાં, કેટલા રૂપિયામાં અને કોની સાથે લેવડદેવડ થઇ તેની વિગતો મેળવવામાં આવી રહી છે.

જ્યારે આ ઘટનામાં હજુ સુધી પોલીસના હાથમાં નહીં આવેલો યશપાલસિંહ ૨૯ નવેમ્બરે બાય રોડ મનહર પટેલ સાથે દિલ્હી ગયો હતો. જેમાં યશપાલસિંહને આ પેપર આપવા માટે મનહરે રૂપિયા એક કરોડ આપવાનું નક્કી થયું હોવાનું કહેવાઈ રહ્યું છે. જ્યારે આ કૌભાંડમાં શ્રી રામ હોસ્ટેલ ઉપરાંત ગાંધીનગર નજીક ચિલોડા પાસે ધણપ ગામ નજીક આવેલી એક હોટલમાં પણ બેઠકો યોજાઈ હોવાનું ચર્ચાઈ રહ્યું છે. આ કૌભાંડમાં મનહર પટેલના મિત્ર જયેન્દ્ર રાવલને ક્રાઈમ બ્રાંચે દબોચી લેતા ભાજપે તેને પક્ષમાંથી સસ્પેન્ડ કરી દીધો છે.

Android App - maa news

YouTube - maa news live

Fb page - maa news live page

Fb group : maa news live group

Twitter - @jaymalsinhB

Email - jaymalsinhjadeja@gmail.com

Whatsapp - 94287 48643

97252 06127

CUG Number - 97252 06123 to 37

72260 06124 to 33

મા ડ્રાઈવીંગ સ્કૂલ :

125 કીમી ટ્રેનિંગ , 2500 રૂપિયા.

(Lady Instructor for Lady Student)

મા ગૌશાળા :

દેશી ગાયનું દૂધ : 50 રૂપિયા લીટર  ,

ઘી 1000 રૂપિયા કિલો.

ગૌમૂત્ર ફ્લોરકલીનર : 50 રૂપિયા લીટર

મા ડ્રિંકિંગ વોટર :

20 રૂપિયામાં 20 લીટર