નાણાકીય વર્ષ ૨૦૧૮-’૧૯ માટે ઇન્કમ ટેક્સ રિટર્ન ફાઇલ કરવાની છેલ્લી તારીખ એક મહિના માટે લંબાવીને ૩૧ ઓગસ્ટ કરવામાં આવી છે. નવા ઇન્કમ ટેક્સ રિટર્ન ફોર્મ એપ્રિલમાં નોટીફાઇ કરવામાં આવ્યા હતા અને જે કરદાતાઓના એકાઉન્ટ માટે ઓડિટની જરૂર નથી તેમને ૩૧ જુલાઈ સુધી આઇટીઆર ઇ-ફાઇલ કરવાની મંજૂરી હતી. નાણા મંત્રાલયે એક નિવેદનમાં જણાવ્યું હતું કે, “તમામ બાબતોનો વિચાર કર્યા પછી સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી)એ કરદાતાઓની આ કેટેગરી માટે ઇન્કમ ટેક્સ રિટર્ન ફાઇલ કરવાની છેલ્લી તારીખ ૩૧ જુલાઇના બદલે લંબાવીને ૩૧ ઓગસ્ટ ૨૦૧૮ કરી છે.”
વિલંબિત રિટર્ન માટે પેનલ્ટીની જોગવાઇ કરી હતી તેના કારણે છેલ્લાં થોડાં દિવસોથી કરદાતાઓ અને ટેક્સ પ્રેક્ટિશનરો ભારે તણાવમાં હતા. જોકે, ગુરુવારે સરકારે આવકવેરા રિટર્ન ભરવાની છેલ્લી તારીખ એક મહિનો લંબાવીને ૩૧ ઓગસ્ટ કરી છે તેના કારણે કરદાતાઓને રાહત મળી છે. સરકારે જાહેર કર્યું હતું કે ૩૧ જુલાઇ બાદ રિટર્ન ભરનારા કરદાતાની આવક રૂ. ૫ લાખથી ઓછી હોય તો તેમના માટે રૂ. ૧,૦૦૦ દંડ રહેશે. જે કરદાતા રૂ. ૫ લાખથી વધારે આવક ધરાવતા હોય તેઓ ૧ ઓગસ્ટથી ૩૧ ડિસેમ્બર દરમિયાન રિટર્ન ફાઇલ કરશે તો તેમણે રૂ. ૫,૦૦૦ દંડ ચૂકવવો પડશે અને ૧ જાન્યુઆરી બાદ તેમણે રૂ. ૧૦,૦૦૦ દંડ ચૂકવવાનો રહેશે. જોકે, હવે ૩૧ ઓગસ્ટ સુધી આ પેનલ્ટી ટળી ગઇ છે.
આઇટીઆર ભરવાના ફોર્મ્સ અંગે ટૂંકી માહિતી
આઇટીઆર ૧ સહજ
ભારતમાં સામાન્ય રહેવાસી જે જેમની આવક પગારથી થતી હોય, એક ઘર હોય, અન્ય સ્ત્રોતો અને રૂ. ૫૦ લાખ સુધીની કુલ આવક ધરાવતા કરદાતાઓને અમલી બને છે.
મૂડી લાભ અથવા એચયુએફમાંથી આવક અથવા એકથી વધુ ઘરો અથવા વિદેશી અસ્કયામત અથવા આવક ધરાવતા અથવા રૂ. ૫૦ લાખથી વધુ આવક ધરાવતી વ્યક્તિઓએ આ ફોર્મ ભરવું પડશે.
આઇટીઆર-૩
પગારમાંથી કોઇ આવકની સાથે વ્યવસાય અથવા વેપારમાંથી લાભ અને મૂડી લાભમાંથી થતી આવક મેળવતી વ્યક્તિઓ અને એચયુએફને લાગુ પડે છે. ઘરની મિલ્કત અથવા મૂડી લાભ અથવા અન્ય સ્ત્રોતોમાંથી મળતી આવક પણ તેમાં સામેલ છે.
આઇટીઆર-૪ સુગમ
રહેવાસી કરદાતા (વ્યક્તિગત, એચયુએફ, એલએલપી સિવાયની કંપની) કે જેમણે આવક વેરા કાયદા. ૧૯૬૧ની કલમ ૪૪એડી, ૪૪એડીએ અને ૪૪એઇ હેઠળ સંભવિત આવક સ્કીમ અપનાવી હોય તેમના માટે આ ફોર્મ છે.
આઇટીઆર-૫
એક સંસ્થા, એલએલપી, એઓપી/બીઓઆઇ, પ્રાઇવેટ ડિસ્ક્રેશનરી ટ્રસ્ટ અને કલમ ૨ (૩૧)માં ઉલ્લેખ કરાયેલી આર્ટિફિશિયલ જ્યુરીડિસલ પર્સન, કોઓપરેટિવ સોસાયટી અને સ્થાનિક સત્તામંડળ હોય તેવી વ્યક્તિએ આ ફોર્મનો ઉપયોગ કરી શકે છે.
આઇટીઆર-૬
આવક વેરા કાયદાની કલમ ૧૧ હેઠળ મુક્તિનો દાવો ન કરતી હોય તે કંપની દ્વારા ફોર્મનો ઉપયોગ કરી શકાય છે.
આઇટીઆર-૭
કલમ ૧૩૯ (૪ એ) અથવા ૧૩૯ (૪ બી) અથવા ૧૩૯ (૪ સી) અથવા ૧૩૯ (૪ ડી) અથવા ૧૩૯ (૪ઇ) અથવા ૧૩૯ (૪ એફ) હેઠળ આવતી કંપનીઓ સહિતની વ્યક્તિઓને ભરવાની રહેશે. મૂળ તો આ ફોર્મ એક્ટની કલમ ૧૧ હેઠળ મુક્તિનો દાવો કરતાં ટ્રસ્ટો, રાજકીય પક્ષો, મ્યુચ્યુઅલ ફંડો, સિક્યુરાઇટેઝશન ટ્રસ્ટ અને અન્ય ચોક્કસ કરદાતાઓએ ભરવાનું રહેશે.
Android App - maa news
YouTube - maa news live
Fb page - maa news live page
Fb group: maa news live group
Twitter - @jaymalsinhB
Email - jaymalsinhjadeja@gmail.com
Whatsapp - 94287 48643
97252 06127
CUG Number - 97252 06123 to 37
72260 06124 to 33
મા ડ્રાઈવીંગ સ્કૂલ :
125 કીમી ટ્રેનિંગ, 2500 રૂપિયા.
મા ગૌશાળા:
દેશી ગાયનું દૂધ : 40 રૂપિયા લીટર,
ઘી 800 રૂપિયા કિલો.
ગૌમૂત્ર ફ્લોરકલીનર : 50 રૂપિયા લીટર
મા ડ્રિંકિંગ વોટર:
15 રૂપિયામાં 20 લીટર
Comments
Post a Comment