રાપરથી ધોળાવીરા વચ્ચેના ૧૫૦થી વધુ ગામ-વાંઢ વચ્ચે એક જ બેન્ક: લોકો માટે બેન્ક ૧૦૦ કિલોમીટર દૂર

આજે ડીજીટલ ઈન્ડિયા મોટી મોટી વાતો ભલે થઈ રહી હોય, પરંતુ ગુજરાતનો એક વિસ્તાર એવો છે જ્યાં આજે પણ ૧૦૦ કિ.મી. સુધીના અંતરમાં એક પણ બેન્ક નથી! બેન્કને લગતું કોઈ કામ હોય તો લોકોએ પોતાના ધંધા-રોજગાર છોડી લાંબી મજલ કાપીને દૂર સુધી જવાની ફરજ પડે છે. વળી, ઉજ્જડ રણમાં એરંડો પ્રધાન એ કહેવત અનુસાર અહીની એકમાત્ર બેન્કના તાળા સવારે ૧૧ વાગ્યે ખૂલે છે. તથા કામગીરી તો બપોરે ૧ર વાગ્યે શરૃ થાય છે. પાસબુકમાં એન્ટ્રી પડાવવા જેવા સામાન્ય કામમાં લોકોનો આખો દિવસ બગડે છે. કચ્છના રાપર-ભચાઉ તાલુકાની આ વેદના છે. કેટલાક ગામ-વાંઢ એવા છે, જ્યાંથી પાકિસ્તાની બોર્ડર ૫૦ કિલોમીટર દૂર નથી, પરંતુ બેન્કની સગવડ ૧૦૦ કિલોમીટર દૂર થાય છે. આ વિકસીત ગુજરાતની વાસ્તવિકતા છે.

કચ્છમાં રાપરથી આગળ ધોળાવીરા જતાં ૬૦થી વધુ ગામ અને ૧૦૦થી વધુ વાંઢ આવેલા છે. પરંતુ બેન્કની સગવડ માત્ર રાપરમાં છે. ધોળાવીરા આમ તો ભચાઉ તાલુકામાં છે, પરંતુ નજીકનું મોટુ સેન્ટર રાપર છે. ભચાઉ જવુ હોય તો પણ રાપર થઈને જવું પડે છે. માટે આ બધા વિસ્તારના લોકોને બેન્કિંગ કામકાજ માટે રાપર સુધી ધક્કો ખાવો પડે છે. બીજી બ્રાન્ચ રાપર પાસે રવ ગામે છે. પરંતુ એ પણ ધોળાવીરાથી ૯૦ કિલોમીટર દૂર થાય છે. સરકાર કેસલેશ ઈકોનોમીને પ્રોત્સાહન આપવા માંગે છે પરંતુ અહીં રોકડ સિવાય વ્યવહાર જ શક્ય નથી. રાપર પાસે આવેલા રવ ગામમાં આવેલી બેન્ક ઓફ ઈન્ડિયાની આ શાખામાં આજે જ સવારે ૧૧ વાગ્યા સુધી તાળા ન ખૂલતા બહાર લોકોની લાઈન લાગી હતી. વળી ર૪ કલાક ખૂલ્લા રાખવાના એ.ટી.એમ. સેન્ટરને પણ તાળા મારેલા હતાં. દૂરથી દૂરના ગામમાંથી કામ-ધંધા છોડીને આવેલા પ્રજાજનો જાણે કે કોઈ મંદિરના દરવાજા ખૂલવાની રાહ જોતા હોય તેમ બેન્કની બહાર બેઠા હતાં. આસપાસના ૧૦૦ કિ.મી. જેટલા વિસ્તારમાં બીજી કોઈ બેન્કની કોઈ શાખા ન હોવાથી મજબુરીવશ લોકોને અહી આવવું પડે છે.વળી, એવું પણ નથી કે આ વિસ્તાર સાવ પછાત છે. ઘણા નોકરિયાતો વસવાટ કરે છે. શાળાના બાળકો શિષ્યવૃત્તિ મેળવતા હોય છે. રાંધણગેસની સબસીડી પણ બેન્કમાં જ જમા થાય છે. માટે દરેક સામાન્ય લોકોને પણ બેન્કિંગ વ્યવહારો સાથે કાયમી પનારો પડે છે. લોકોને પૈસા જમા કરાવવા કે ઉપાડવાથી લઈને પાસબુકમાં એન્ટ્રી કરાવવી, રકમ જમા થઈ છે કે નહીં ? તેની તપાસ કરવી, કોઈ ફોર્મ ભરવા વગેરે જેવી કામગીરી માટે રવ ગામ સુધી લાંબો ધક્કો ખાવો પડે છે. આખો દિવસ પાડીને રોજગારી જતી કરી, ભાડાની રકમનો ખર્ચો કરીને કોઈ સામાન્ય શ્રમિક વર્ગના લોકો અહી સુધી આવી પહોંચ્યા બાદ પણ કામગીરી થવાની કોઈ ગેરેંટી નથી. કારણ કે અંતરિયાળ વિસ્તાર હોવાના કારણે ઈન્ટરનેટની કનેક્ટીવીટીથી લઈને સર્વર ડાઉન રહેવા સુધીના કેટલાય પ્રશ્નો પેદા થાય છે. આ ઉપરાંત કોઈ દસ્તાવેજ ખૂટતો હોય તો લોકોને ફરી વખત બીજા દિવસે પોતાના ઘરેથી ધક્કો ખાવો પડે છે. આ ધક્કા ૪૦-પ૦ કિ.મી.ના સહેજે થઈ જાય છે! આજે મોટા શહેરોમાં દર એક કિલોમીટરે બે-ત્રણ બેન્કની શાખાઓ અને એ.ટી.એમ. મશીનો આવેલા હોય છે. ગામડામાં પણ બે-ત્રણ ગામડા દીઠ બેન્ક અને એ.ટી.એમ.ની વ્યવસ્થા હોય છે. તેવી સ્થિતિમાં ૧૦૦ કિ.મી. સુધી માનવ વસવાટ વચ્ચે બેન્કિંગ સેવા ન હોવી, તેની કલ્પના માત્ર આંખો પહોળી કરી દેનારી હોય તો પછી આ વેદના અનુભવતા લોકોની દશા કેવી હશે ? ત્યારે રાપર અને ખડીરના બાલાસર, બેલા અને રતનપર જેવા ગામોમાં તાત્કાલિક અસરથી બેન્કીંગ સેવા શરૃ કરાય તો લોકોને આ હલાકીમાંથી ઉગારી શકાય તેમ છે.

Android App - maa news

YouTube - maa news live

Fb page - maa news live page

Fb group: maa news live group

Twitter - @jaymalsinhB

Email - jaymalsinhjadeja@gmail.com

Whatsapp - 94287 48643

97252 06127

CUG Number - 97252 06123 to 37

72260 06124 to 33

મા ડ્રાઈવીંગ સ્કૂલ : 

125 કીમી ટ્રેનિંગ, 2500 રૂપિયા.

મા ગૌશાળા: 

દેશી ગાયનું દૂધ : 40 રૂપિયા લીટર, 

ઘી 800 રૂપિયા કિલો.

ગૌમૂત્ર ફ્લોરકલીનર : 50 રૂપિયા લીટર 

મા ડ્રિંકિંગ વોટર: 

15 રૂપિયામાં 20 લીટર