મેસેજિંગ એપ વોટ્સએપ 'ફોરવર્ડ લેબલિંગ' નામનું નવું ફીચર લાવ્યું છે. આ ફીચર ખાસ કરીને વાતાવરણ ડોહળતાં ફોરવર્ડ મેસેજને રોકવામાં અને વાસ્તવિકતા સમજવામાં મદદ કરશે. આ ફીચર હાલમાં એન્ડ્રોઇડના 2.18.179 બેટા વર્ઝનમાં છે. આ અપડેટ પછી ફોરવર્ડ કરવામાં આવેલા મેસેજ પર ફોરવર્ડેડ લખેલું લેબલ આવી જશે. આ લેબલ દ્વારા યૂઝર સમજી શકશે કે કયા મેસેજ કોપી મારીને ફોરવર્ડ કરવામાં આવ્યા ને કયા મેસેજ કમ્પોઝ કરવામાં આવ્યા છે.
ફોરવર્ડેડ લખેલું લેબલ સેન્ડર અને રીસિવર બંનેને મળશે. ધારો કે, તમને કોઇ મેસેજ આવ્યો ને તમે તે મેસેજને આગળ અન્ય કોઇ કોન્ટેક્ટને મોકલશો તો તમને અને સામેવાળી વ્યક્તિને દેખાશે કે તે મેસેજ ઓરિજિનલ કે તમે જાતે કમ્પોઝ કરેલો નથી, પરંતુ ફોરવર્ડ કરેલો છે. અહેવાલ અનુસાર, આ ફોરવર્ડ લેબલને ડિસેબલ કરવાનો ઓપ્શન નથી. ખાસ કરીને ફેક ન્યૂઝ અને ખોટી માહિતી વોટ્સએપ દ્વારા ઝડપથી સ્પ્રેડ થતી હોય છે અને તેવામાં વોટ્સએપ પર સવાલ ઉઠતા હોય છે. તેવામાં કંપની આ ફીચર લાવી છે જેના દ્વારા ખોટા અને ભ્રામક ફોરવર્ડ થતાં અટકે.
ઓડિયો મેસેજ માટે નવું અપડેટ
વોટ્સએપ ઓડિયો મેસેજ માટે નવું અપડેટ લાવ્યું છે. વોટ્સએપે યૂઝર્સને લૉક વોઇસ રેકોર્ડિંગ ફીચર આપ્યું છે. ખાસ વાત એ છે કે, આ વખતે લૉક વોઇસ રેકોર્ડિંગનું ફીચર તમામ યૂઝર્સ માટે રીલિઝ કરવામાં આવ્યું છે. અગાઉ વોટ્સએપમાં કોઇને તમારે વોઇસ મેસેજ કરવો હોય તો તમારે માઇકવાળા સિમ્બોલને સતત પ્રેસ કરીને રાખવું પડતું હતું, પરંતુ નવા અપડેટ પછી માઇકવાળા સિમ્બોલને પ્રેસ કરીને ઉપર સ્લાઇડ કરવાથી મેસેજ રેકોર્ડ થવા લાગશે અને તમારે સિમ્બોલ સતત પ્રેસ કરી રાખવાની જરૂર નહીં પડે.
જ્યારે યૂઝર લૉક વોઇસ મેસેજનો યૂઝ કરશે ત્યારે તેને સ્ક્રીન પર કેન્સલ અને સેન્ડનો ઓપ્શન દેખાશે. જેથી મેસેજ રેકોર્ડ થઇ જાય પછી યૂઝરે સેન્ડ પ્રેસ કરવાનું રહેશે.
- મા આશાપુરા ન્યુઝ,
ભુજ કચ્છ , ભારત.
94287 48643 વોટ્સએપ,
97252 06123 - 37,
72260 06124 - 33,
Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB
Email : jaymalsinhjadeja@gmail.com
Comments
Post a Comment