દાડમના વાવેતરમાં કચ્છ સમગ્ર રાજ્યમાં પ્રથમ : ૭૯૬પ હેક્ટરમાં વાવેતર..

કચ્છમાં બારમાસી નદીઓ ન હોવા છતાં પણ કિસાનો બોરવેલના પાણીના આધારે હજારો હેકટર જમીનમાં રોકડીયા તથા બાગાયત પાકો લઈ રહ્યાં છે. પરંતુ છેલ્લા એક દાયકાથી સતત પાણીના તળ ઉંડે ઉતરી જતા હવે કિસાનો બાગાયતી પાકો તરફ વળી રહ્યાં છે. ત્યારે દાડમના વાવેતર તથા ઉત્પાદનમાં કચ્છ રાજ્યમાં પ્રથમ ક્રમાંકે છે.

મળતી વિગતો મુજબ, કચ્છમાં વરસાદની તૈયારીઓ છે. ત્યારે બાગાયતી પાકોની વાવણી સમયસર થઈ જાય તેની માટે ખેડૂતો સતત ખેતરો તથા વાડીના કામમાં વ્યસ્ત જોવા મળી રહ્યાં છે. હજુ વરસાદ પડવાનો બાકી છે. તે પૂર્વે બાગાયતી પાકોનું વાવેતર થઈ જાય તેની માટે હાલમાં રોપ ખરીદવા, ખેતરોમાં ટપક પધ્ધતિની લાઈનો બિછાવવા, ફિલ્ટર પ્લાન્ટ, ટાંકા તથા ખાતર સહીતની તૈયારીઓ પૂર્ણ કરી દેવાઈ છે. તો અમુક કિસાનો અત્યારથી જ વાવણી કરી રહ્યાં છે. ત્યારે ગત વર્ષે ૨૦૧૬-૧૭માં કચ્છમાં કુલ ૭૯૬૫ હેકટરમાં દાડમનું વાવેતર બાગાયત વિભાગમાં નોંધાયું હતું.

જો કે, તેની સામે ૧.૨૬ લાખ મેટ્રીક ટન ઉત્પાદન નોંધાયું હતું. તો એ પ્લસ કવોલિટીના દાડમની નીકાસ રશિયા, દુબઈ, સાઉદી અરેબીયા, ઓસ્ટ્રેલિયા સહીતના દેશોમાં થઈ હતી. તો રાજ્યમાં દાડમના વાવેતરમા બીજા ક્રમે બનાસકાંઠા ૬૭૮૦ હેકટરમાં નોંધાયુ છે. તો ઉત્પાદન ૧.૦૮ લાખ મેટ્રીક ટન થયું હતું. આ અંગે બાગાયત વિભાગના અધીકારી ડો. ફાલ્ગુન મોઢે જણાવ્યું હતું કે, રાજયમાં સૌથી વધુ દાડમનું વાવેતર કચ્છમાં થયું છે. આ વખતે વાવેતરનું પ્રમાણ વધ્યું છે. પરંતુ આંકડા હવે જાહેર થશે. જો કે ,ઉત્પાદનમાં પણ વધારો નોંધાયો છે. જો કે, કિસાનો હવે ઉતમ પ્રકારના ફળ બનાવવા પણ સક્રિય બન્યા છે. જેથી કિસાનોને ભાવ પણ વધુ મળે તેવી શકયતાઓ છે.

- મા આશાપુરા ન્યુઝ,

ભુજ કચ્છ , ભારત.

94287 48643 વોટ્સએપ,

97252 06123 - 37,

72260 06124 - 33,

Youtube : maa news live,

Android app : maa news.

Blog : maanewslive. blogspot. com

Facebook : maa news live page / group

Twitter : @jaymalsinhB

Email : jaymalsinhjadeja@gmail.com