તાજેતરમાં જ ખેડૂતો માટે મોટી જાહેરાત કર્યા બાદ હવે મોદી સરકારે વિજ્ઞાન ક્ષેત્રે મોટી સહાયતા પ્રદાન કરી છે. ભારતીય સ્પેસ પ્રોગ્રામને નવી તાકાત આપવા માટે કેન્દ્રીય કેબિનેટે મહત્ત્વનું પગલું ભર્યું છે. કેન્દ્રીય કેબિનેટે ગઈ કાલે રૂ.૧૦, ૯૧૧ કરોડના બજેટ પર મંજૂરી આપી દીધી છે. આ રકમનો ઉપયોગ આગામી ચાર વર્ષમાં ૩૦ પીએસએલવી અને ૧૦ રોકેટ્સ લોન્ચ કાર્યક્રમ પર કરવામાં આવશે. કેન્દ્રીય પ્રધાન જિતેન્દ્ર સિંહે કહ્યું કે ઈસરોના સૌથી શક્તિશાળી રોકેટ જીએસએલવી એમકે-૩ના ૧૦ લોન્ચ માટે રૂ. ૪૩૩૮ કરોડ કેબિનેટ તરફથી મંજૂર કરવામાં આવ્યા છે. આ એક મહત્ત્વનું પગલું છે, કારણ કે તેના દ્વારા હવે ભારતે વિદેશી સ્પેસપોર્ટ્સ પર આધાર રાખવો પડશે નહીં. આ એક મહત્ત્વનું પગલું છે, કારણ કે તેના દ્વારા હવે ભારતે વિદેશી સ્પેસપોર્ટ્સ પર આધાર રાખવો પડશે નહીં.
જિતેન્દ્ર સિંહે વધુમાં જણાવ્યું હતું કે જીએસએલવી એમકે-૩ પ્રોગ્રામ છેલ્લા ત્રણ-ચાર વર્ષમાં મોદી સરકારના નેતૃત્વમાં તૈયાર થઈ રહ્યો છે. આ પ્રોગ્રામ મેક ઈન ઈન્ડિયા હેઠળ ચાલી રહ્યો છે. આ પ્રોગ્રામમાં મદદ કરવાના કારણે ઈસરોને ન માત્ર નાના વિદેશી રોકેટને લોન્ચ કરવા, પરંતુ સૌથી ભારે એવા ચાર ટન વજનના સેટલાઈટ પણ લોન્ચ કરવા માટે સક્ષમ હશે. તેમણે એમ પણ જણાવ્યું હતું કે કેબિનેટે ૩૦ પીએસએલવી રોકેટ લોન્ચ માટે પણ પરવાનગી આપી દીધી છે, જેના માટે રૂ. ૬૫૭૩ કરોડ મંજૂર કરવામાં આવ્યા છે. તેમણે કહ્યું કે ઈસરો દ્વારા પ્રાઇવેટ પાર્ટિસિપેશનને પણ પ્રમોટ કરવામાં આવી રહ્યું છે તેમજ ભારત તરફથી ઓક્ટોબર અથવા નવેમ્બરમાં 'ચંદ્રયાન-૨' લોન્ચ કરવા માટેની પણ તૈયારી કરી રહ્યું છે, જે ભારત માટે સૌથી મોટી સફળતા હશે.
આ અંગે ઈસરોના ચેરમેન કે. સિવાને કહ્યું કે આ ઈસરો માટે પ્રશંસાની વાત છે. પીએસએલવી અને જીએસએલવી રોકેટ લોન્ચ માટે કેબિનેટ તરફથી મંજૂરી આપવાના કારણે સ્પેસ પ્રોગ્રામને નવી તાકત મળી જશે.
- મા આશાપુરા ન્યુઝ,
ભુજ કચ્છ , ભારત.94287 48643 વોટ્સએપ,
97252 06123 - 37,
72260 06124 - 33,
Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB
Email : jaymalsinhjadeja@gmail.com
Comments
Post a Comment