ભુજ જી.કે. જનરલ હોસ્પિટલ ખાતે નવજાત બાળકોના મોત અંગે તપાસ કરવા રચાયેલી સમિતિએ હોસ્પિટલને કલીનચીટ આપી છે. કમિટી એવા તારણો પર આવી છે કે તમામ દર્દીઓની વ્યવસ્થા પ્રોટોકોલ મુજબ અને સ્ટાન્ડર્દ્દ માર્ગરેખાઓ પ્રમાણે કરવામાં આવી હતી. જી.કે. જનરલ હોસ્પિટલ ટર્શીયરી સેન્ટર હોવાના કારણે તથા GAIMS ને અન્ય હોસ્પિટલો દ્વારા નોંધપાત્ર સંખ્યામાં આવા કેસ રીફર કરવામાં આવે છે. આ કમિટીએ હોસ્પિટલના સ્ટાફ માટે તાલીમમાં સુધારો કરવા અંગે પણ ભલામણ કરી છે.
(પ્રેસ રીપોર્ટ)
GAIMSના મેડીકલ ડીરેક્ટર ડો. જ્ઞાનેશ્વર રાવ જણાવે છે કે "સમિતિએ અમારા વલણનો પુનરોચ્ચાર કર્યો છે તેનો અમને આનંદ છે. અમે સરકાર સાથે મળીને આ હોસ્પિટલમાં કવોલીફાઈડ સ્પેશ્યાલિસ્ટ ડોકટરોને આકર્ષવા અને જાળવવા માટે કામ કરવાનું ચાલુ રાખીશું. અમારો વ્યાપક ઉદેશ્ય કચ્છના ગ્રામ્ય પ્રદેશના લોકોને ગુણવતાયુક્ત સારવાર પૂરી પાડવાનો છે."
ડો. ભાગ્યેશ વ્યાસ-હેડ ઓફ ધ ડીપાર્ટમેન્ટ, પેડીયાટ્રીક જામનગર, ડો. હિમાંશુ જોષી-હેડ ઓફ ધ ડીપાર્ટમેન્ટ, પેડીયાટ્રીક ગાંધીનગર અને ડો. કમલ ગોસ્વામી-એડીશનલ પ્રોફેસર ઓફ ગાયનોકોલોજીસ્ટ, રાજકોટની બનેલી કમિટીએ તમામ નવજાત બાળકોના કેસ પેપર્સ અંગેનો ડેટા મેળવીને તેની સમિક્ષા કરી હતી. કમિટીએ નિયોનેટલ આઈસીયુ, લેબર રૂમ અને નર્શીગસ્ટાફ તેમજ લેબર રૂમના ઇન્ચાર્જ સિસ્ટર્સ તથા ઓબી અને ગાયનેક ઓટી ના ઇન્ચાર્જ સહીતના લોકો સાથે વિગતવાર ચર્ચા કરી હતી.
(પ્રેસ રીપોર્ટ)
કમિટીના અહેવાલમાં એવું અવલોકન કરવામાં આવ્યું છે કે નિયોનેટલ આઈસીયુ માં યોગ્ય માળખાગત સુવિધાઓ તેમજ વોર્મર્સમાટે પુરતી જગા છે. યોગ્ય લાઈટીંગ છે. ૫ વેન્ટીલેટર્સ છે, ૩ સીપીએપી મશીન્સ, પલ્સ ઓક્ઝીમીટર અને મલ્ટીપેરા મોનીટર્સ છે. એબીજી અને સીરમ બીલરૂબીન જેવી નિદાન માટેની સુવિધાઓ પણ ઉપલબ્ધ છે.
હોસ્પીટલમાં સતત ચાલી રહેલા પ્રયાસો મુજબ વધુ ગતિવિધિ તરીકે હોસ્પિટલ અને એસએનસીયુનો નર્સિંગ સ્ટાફ તથા લેબર રૂમના સ્ટાફને નવજાત બાળકની સંભાળ અંગે આવશ્યક તાલીમ આપવામાં આવશે. વધુ ફેકલ્ટી મેમ્બર્સ અને રેસીડેન્ડ ડોક્ટર્સની નિમણુક પણ કરવામાં આવશે, જેથી પેડીયાટ્રીક ડીપાર્ટમેન્ટમાં હાલના ડોક્ટરોની સંખ્યાને પુરક બની શકે. એનઆઈસીયુમાં મેડીકલ ઓફિસરની જગા પણ ટૂંક સમયમાં ભરવામાં આવશે.
- મા આશાપુરા ન્યુઝ,
ભુજ કચ્છ , ભારત.
94287 48643 વોટ્સએપ,
97252 06123 -
37,
72260 06124 -
33,
Youtube : maa
news live,
Android app :
maa news.
Blog :
maanewslive. blogspot. com
Facebook : maa
news live page / group
Twitter :
@jaymalsinhB
Email :
jaymalsinhjadeja@gmail.com
Comments
Post a Comment