ભુજ શહેર મા દિન - પ્રતિદિન વધી રહેલા પાણીના કકળાટ ને કારણે આજે નગરપાલિકા કચેરીમાં મહિલાઓનો મોરચો ધસી આવ્યો હતો અને પાણીની વધી રહેલી સમસ્યાઓનો વિરોધ નોંધાવ્યો હતો.ભુજ માં પાણીનો કકળાટ ના કારણે આજે પાલિકા કચેરીમાં મહિલાઓએ માટલા ફોડીને અને છાજીયા લઈને વિરોધ નોંધાવ્યો હતો.
ભુજમાં પાણીની તંગીની સમસ્યા તીવ્ર બની છે. અનેક વિસ્તારોમાં અઠવાડીયે માંડ એકવાર નામ માત્રનું અપૂરતું પાણી અપાય છે. જેથી લોકોનો આક્રોશ ઘેરો બન્યો છે.
ખાસ કરીને, ભુજના વૉર્ડ નંબર 1,2,3 અને 8માં પાણીની કારમી તંગીથી કંટાળેલી મહિલાઓએ આજે ભુજ નગરપાલિકા કચેરીમાં માટલાં ફોડી વિરોધ પ્રગટ કર્યો હતો.વિપક્ષી સભ્યોએ નગરપાલિકા કચેરીમાં માટલા ફોડી નોંધાવ્યો હતો. વિપક્ષી નેતા રાજેન્દ્રસિંહ જાડેજા અને અન્ય કોંગ્રેસી નગરસેવકોની હાજરીમાં માટલાધારી મહિલા મોરચો પાલિકા પ્રમુખ, કારોબારી ચેરમેન અને પાણી પુરવઠા સમિતિના ચેરમેનને રજૂઆત કરવા પહોંચ્યો હતો. જો કે, પરિસ્થિતિ પામી ગયેલાં એકપણ પદાધિકારી ત્યાં હાજર નહોતાં અને તેમની ચેમ્બર બહાર તાળાં લટકતાં હતા. જેથી મહિલાઓએ તેમની ચેમ્બર આગળ માટલાં ફોડી તેમના નામના છાજિયાં લીધા હતા. વૉર્ડ નંબર 8માંથી ખુદ પાલિકા પ્રમુખ અશોક હાથી ચૂંટાયેલા છે. તો વૉર્ડ નંબર એક અને બેમાં મુસ્લિમ મતદારોનું પ્રભુત્વ છે. વિપક્ષી નેતા જાડેજાએ પાલિકાના પાણી વિતરણની વ્યવસ્થાને નિષ્ફળ ગણાવી હતી.જો કે , નગરપાલિકા ના પ્રમુખ અશોક હાથી પછી જયારે કચેરીમાં આવ્યા ત્યારે વિપક્ષે પ્રમુખ સમક્ષ ધારદાર દલીલો કરી હતી અને પાણીની સમસ્યા મુદ્દે જવાબ માંગ્યો હતો.આ રજુઆત કરતી વેળાએ ઉશ્કેરાયેલા મહિલાએ પાલિકા પ્રમુખ પર બંગડી ફેંકીને વિરોધ નોંધાવ્યો હતો.પાણીની સમસ્યા મુદ્દે પાલિકા પ્રમુખે જણાવ્યું હતું કે , આ અંગે યોગ્ય કાર્યવાહી કરવામાં આવશે અને જ્યાં પણ ક્ષતિ હશે તેનું નિરાકરણ કરીને નિયમિત રીતે લોકોને પાણી મળી રહે તેની વ્યવસ્થા કરવામાં આવશે તેવું આશ્વાસન આપ્યું હતું.
- મા આશાપુરા ન્યુઝ,
ભુજ કચ્છ , ભારત.
94287 48643 વોટ્સએપ,
97252 06123 -
37,
72260 06124 -
33,
Youtube : maa
news live,
Android app :
maa news.
Blog :
maanewslive. blogspot. com
Facebook : maa
news live page / group
Twitter :
@jaymalsinhB
Email :
jaymalsinhjadeja@gmail.com
Comments
Post a Comment