ઉતર પ્રદેશમાં આઠ વર્ષીય બાળાની બળાત્કાર બાદ હત્યા..

કાશ્મીરના કઠુઆ બળાત્કાર કેસમાં આઠ વર્ષીય બાળકીના બળાત્કાર-હત્યાથી સમગ્ર દેશનો રોષ હજુ ઠંડો નથી થયો ત્યાં આવી વધુ એક ઘટના સામે આવી છે. ઉત્તરપ્રદેશના ઇટાહમાં લગ્ન સમારંભમાં આવેલી એક સાત વર્ષીય બાળકી પર બળાત્કાર કરીને હત્યા કરી દેતા હોબાળો મચી ગયો છે. આ ઘટના પછી વિપક્ષોએ ફરી એકવાર કેન્દ્ર સરકાર અને ઉત્તર પ્રદેશમાં યોગી આદિત્યનાથ સરકારનો આક્રમક વિરોધ શરૃ કર્યો છે. યોગી આદિત્યનાથ સરકાર ઉનાવના ધારાસભ્ય કુલદીપસિંઘ સેંગરના કથિત બળાત્કાર કેસના કારણે લોકોનો રોષ સહન કરી રહી છે ત્યારે પશ્ચિમ ઉત્તરપ્રદેશના ઇટાહની આ ઘટનાથી તેઓ ફરી એકવાર મુશ્કેલીમાં મૂકાઇ ગયા છે. આ પીડિત બાળકીના માતાપિતાએ વિપક્ષો સાથે ઇટાહ-ફરુખાબાદ હાઇ વે પર ચક્કાજામ કરીને યોગી સરકાર સામે સખત આક્રોશ વ્યક્ત કર્યો હતો.

બાળકીના માતાપિતાએ યોગી સરકાર પાસે રૃ. દસ લાખનું વળતર માંગ્યું હતું. પોલીસના જણાવ્યાનુસાર, પીડિતાનો પરિવાર અલીગંજ રોડ પર મંડી સમિતિ દરવાજા નજીક બપોરે ૧:૩૦ વાગ્યે લગ્ન સમારંભમાં આવ્યો હતો. આ દરમિયાન સોનુ જાધવ નામના ૧૯ વર્ષીય યુવકે બાળકીને લલચાવી-ફોસલાવીને બળાત્કાર કરીને તેની હત્યા કરી હતી. અમે ગણતરીના કલાકોમાં જ તેની ધરપકડ કરી લીધી હતી અને પોસ્કો અંતર્ગત ફરિયાદ નોંધી હતી. સુપરિન્ટેન્ડન્ટ ઓફ પોલીસ અખિલેશ ચૌરસિયાએ જણાવ્યું હતું કે, લગ્નમાં સોનુ જાધવને તંબૂ ઊભા કરવાનું કામ સોંપાયું હતું. સોનુ દારૃના નશામાં ચૂર થઇને આ જવાબદારી સંભાળી રહ્યો હતો, પરંતુ બળાત્કાર અને હત્યા કરીને તે ઘટના સ્થળેથી ભાગી ગયો હતો. ત્યાર પછી લગ્ન સમારંભના સ્થળેની નજીક એક સ્થળે બાંધકામ ચાલી રહ્યું હતું ત્યાંથી બાળકીનો ચીંથરેહાલ મૃતદેહ મળી આવ્યો હતો. બાળકીના ગળાની આસપાસ દોરડું લપેટાયેલું હતું, જેના પરથી સાબિત થઇ ગયું હતું કે, બળાત્કારીએ જ તેની હત્યા કરી છે. બાળકીને તાત્કાલિક હોસ્પિટલ ખસેડાઇ હતી, જ્યાં તબીબોએ તેને મૃત જાહેર કરી હતી. દિગ્ગજ અભિનેત્રી શબાના આઝમીએ કહ્યું છે કે, 'બેટી બચાવો, બેટી પઢાઓ' અભિયાન માટે બાળકીઓ જીવતી રહેવી જોઇએ.  શબાના આઝમીએ વીસમા બેટી એફએલઓ ગ્રેટ એવોર્ડ ૨૦૧૮ પ્રસંગે કહ્યું હતું કે, એક તરફ આપણા દેશની મહિલાઓ ઊંચાઇઓ સર કરી રહી છે, જ્યારે બીજી બાજુ રોજેરોજ એવા સમાચારો વાંચવા મળે છે જે આપણને સુન્ન કરી દે છે.

- મા આશાપુરા ન્યુઝ,

ભુજ કચ્છ , ભારત.

94287 48643 વોટ્સએપ,

97252 06123 - 37,

72260 06124 - 33,

Youtube : maa news live,

Android app : maa news.

Blog : maanewslive. blogspot. com

Facebook : maa news live page / group

Twitter : @jaymalsinhB

Email : jaymalsinhjadeja@gmail.com