રિલાયન્સ ઈન્ડસ્ટ્રીના માલિક મુકેશ અંબાણીની કુલ સંપત્તિ 38 બિલિયન ડોલર એટલે કે 24.70 ટ્રિલિયન બરાબર છે. ઈકોનોમિક ટાઈમ્સના જણાવ્યા મુજબ મુકેશ અંબાણીની કંપની રિલાયન્સ પર 12 બિલિયન ડોલર એટલે કે લગભગ 7 ટ્રિલિયન જેટલું દેવું છે, એટલે કે તેઓ 78,000 કરોડના દેવામાં ડૂબેલા છે. છેલ્લા 15 વર્ષમાં પહેલી વખત એવું થયું છે કે રિલાયન્સ ઈન્ડસ્ટ્રી પર આટલું બધું દેવું છે. 2018મા આ દેવું વધી રહ્યું છે. કંપનીના તમામ બિઝનેસ આ સમયે નફામાં છે. ટેલિકોમ ઈન્ડસ્ટ્રીમાં એક વર્ષ પહેલા એન્ટ્રી કરનાર રિલાયન્સ Jioએ ગયા વર્ષે ડિસેમ્બરમાં 500 કરોડનો ચોખ્ખો નફો કર્યો હતો.
રિલાયન્સે 12 બિલિયન ડોલરનું દેવું જુદા-જુદા સમયે લીધું હતું. આ વ્યાજ ટેલિકોમ વેંચર, રિલાયન્સ Jio ઈન્ફોકોમ અને દુનિયાની સૌથી મોટી જામનગર રિફાઈનરી માટે લીધું હતું. કંપનીનું આ દેવું 2018માં વધી રહ્યું છે. મુકેશ અંબાણીનું પ્રભુત્વ ધરાવતી કંપની પર ભલે 7 ટ્રિલિયનનું દેવું હોય પણ તે હજી પણ દુનિયાના 19 ધનવાન ગણાતા વ્યક્તિઓમાંથી એક છે.
બ્લૂમબર્ગ બિલિયોનેર ઈન્ડેક્સ પ્રમાણે આ વર્ષે મુકેશ અંબાણીનો વેપાર ગયા વર્ષ કરતા 2.30 બિલિયન ડોલર એટલે કે લગભગ દોઢ ટ્રિલિયન જેટલું ઓછું થયું છે. જો કે આ જ સમયગાળામાં તેમની સંપત્તિ 9.3 મિલિયન ડોલર એટલે કે 6 ટ્રિલિયન જેટલી વધી છે. બ્લૂમબર્ગ બિલિયોનેર ઈન્ડેક્સ પ્રમાણે દુનિયાના 500 સૌથી અમીર વ્યક્તિઓમાંથી મુકેશ અંબાણી સિવાય 23 ભારતીયોના નામ શામેલ છે.
આ લિસ્ટમાં જ્યાં અંબાણી 19મા નંબર પર છે તો લક્ષ્મી મિત્તલ 54મા સ્થાન પર છે. તેમની કુલ સંપત્તિ 18.5 બિલિયન ડોલર એટલે કે 12.02 ટ્રિલિયન છે. પહેલા સ્થાન પર એમેઝોનના મુખ્ય કાર્યકારી અધિકારી જેફ બેજોસ છે. જેમની કુલ સંપત્તિ 121 બિલિયન ડોલર એટલે કે 78.76 ટ્રિલિયન છે. બિલ ગેટ્સ બીજા નંબર પર છે. તેની કુલ પ્રોપર્ટી 58.79 ટ્રિલિયન છે. ત્રીજા સ્થાન પર અમેરિકાના વોરેન વફેટ છે, જેમની કુલ સંપત્તિ 85.5 બિલિયન ડોલર છે. આ ઈન્ડેક્સમાં ભારતીય ઉદ્યમી પલ્લોનજી મિસ્ત્રી 65મા નંબર પર છે. ત્યાં જ ભારતના અજીમ પ્રેમજી 71મા સ્થાન પર અને શિવ નદર 86મા સ્થાન પર છે.
જ્યાં એક તરફ મુકેશ અંબાણી પર આટલું બધું લેણું છે. ત્યાં જ બીજી બાજુ સરકારના આદેશથી તેમને ચેરમેન પદ છોડવું પડશે. શેર માર્કેટ રેગ્યુલેટર SEBI ના નિયમ પ્રમાણે એપ્રિલ 2020થી CMD એટલે કે ચેરમેન અને MD પોતાની પાસે ફક્ત એક જ પદ રાખી શકશે. બીજું પદ તેમણે મજબૂરીમાં છોડવું પડશે.
Comments
Post a Comment