દેશના 45 ધારાસભ્યો અને 3 સાંસદો સામે મહિલા વિરુદ્ધ અપરાધના કેસો નોંધાયેલા છે..

છેલ્લા 5 વર્ષમાં માન્ય રાજકીય પક્ષોએ બળાત્કારમાં સંડોવાયેલા 26 ઉમેદવારોને ટિકિટ આપી હતી.

દેશના ૪૮ ધારાસભ્યો-સાંસદો સામે મહિલા વિરુદ્ધના અપરાધના કેસ નોંધાયેલા છે તેમ એસોસિએશન ફોર ડેમોક્રેટિક રિફોર્મ્સ (એડીઆર) એ એક અહેવાલમાં જણાવ્યું છે. આ અહેવાલ એવા સમયે જારી કરાયો છે જ્યારે ઉત્તર પ્રદેશના ઉન્નાવમાં બળાત્કારની એક ઘટનામાં ભાજપના ધારાસભ્યને આરોપી બનાવવામાં આવ્યો છે. એડીઆરના જણાવ્યા અનુસાર દેશના ૩૩ ટકા એટલે કે ૧૫૮૦ ધારાસભ્યો અને સાંસદોએ જાહેર કરેલા ક્રિમિનલ કેસોનો અભ્યાસ કરવામાં આવ્યો હતો.

જેના પરથી જાણવા મળ્યું છે કે ૪૮ સામે મહિલા વિરુદ્ધના અપરાધના કેસ ચાલી રહ્યાં છે. ૪૮માં ૪૫ ધારાસભ્યો અને ૩ સાંસદોનો સમાવેશ થાય છે. ૪૮ પૈકી સૌથી વધુ ૧૨ શાસક પક્ષ ભાજપના છે. ધારાસભ્યો અને સાંસદોએ મહિલા વિરુદ્ધ કરેલા અપરાધોમાં બળાત્કાર, અપહરણ, ઘરેલુ હિંસા સહિતના ગુનાઓ સામેલ છે. પક્ષ અનુસાર સૌથી વધુ ભાજપના ૧૨ ધારાસભ્યો અને સાંસદો સામે મહિલા વિરુદ્ધ અપરાધના કેસ ચાલી રહ્યાં છે. ત્યારબાદ શિવસેનાના સાત, તૃણમુલ કોંગ્રેસના ૬નો સમાવેશ થાય છે. આ અહેવાલ દેશના વર્તમાન ૪૮૯૬ ધારાસભ્યો-સાંસદોએ રજૂ કરેલા સોગંદનામા પૈકી ૪૮૪૫ સોગંદનામાનો અભ્યાસ કરીને તૈયાર કરવામાં આવ્યો છે. અહેવાલમાં જણાવવામાં આવ્યું છે કે તમામ અગ્રણી રાજકીય પક્ષોએ બળાત્કાર સહિતના મહિલા વિરુદ્ધના અપરાધના આરોપીઓને ટિકિટ આપી હતી. રાજ્ય અનુસાર જોવામાં આવે તો સૌથી વધુ ૧૨ ધારાસભ્યો અને સાંસદો મહારાષ્ટ્રના છે. જ્યારે પશ્ચિમ બંગાળના ૧૧, ઓડિશાના પાંચ અને આંધ્ર પ્રદેશના પાંચ સાંસદો અને ધારાસભ્યોનો સમાવેશ થાય છે. છેલ્લા પાંચ વર્ષમાં માન્ય રાજકીય પક્ષોએ બળાત્કારમાં સંડોવાયેલા ૨૬ ઉમેદવારોને ટિકિટ આપી હતી. જ્યારે છેલ્લા પાંચ વર્ષમાં મહિલા વિરુદ્ધ અપરાધ આચરનાર ૩૨૭ ઉમેદવારોને વિવિધ રાજકીય પક્ષોએ ટિકિટ આપી હતી. જેમા સૌથી વધુ ભાજપે ૪૭ ઉમેદવારોને, બસપાએ ૩૫ને અને કોંગ્રેસે ૨૪ ઉમેદવારોને ટિકિટ આપી હતી.

- મા આશાપુરા ન્યુઝ,

ભુજ કચ્છ , ભારત.

94287 48643 વોટ્સએપ,

97252 06123 - 37,

72260 06124 - 33,

Youtube : maa news live,

Android app : maa news.

Blog : maanewslive. blogspot. com

Facebook : maa news live page / group

Twitter : @jaymalsinhB

Email : jaymalsinhjadeja@gmail.com