હડ્ડપ્પનનગરી અને રણ વિસ્તાર ને જોડતો એકલ - બાંભડકા રોડ ને મળી મંજુરી..

ભચાઉ તાલુકાના વિશ્વ વિખ્યાત અને પ્રવાસન ક્ષેત્ર ધોળાવીરા સ્થિત હડ્ડપ્પન સંસ્કૃતિ ને ઉજાગર કરતી ૫૦૦૦ થી પણ વધુ વર્ષ પૌરાણીક- ઐતિહાસિક નગરી હડ્ડપ્પનનગરી અને રણ વિસ્તાર ને જોડતો એકલ - બાંભડકા રોડ વચ્ચે આવતા ૧૯.૦૫ કી.મી. ધૂડખર અભ્યારણ ને કારણે રસ્તો બનાવવા ની મંજુરી મળતી ન હતી જે હવે સાંસદશ્રીના પ્રયત્નો થી લેખિત - મોંખિક વન અને પર્યાવરણ  મંત્રીશ્રી ડૉ. હર્ષવર્ધન જી પાસે રજૂઆત કરતા વાઈલ્ડ લાઈફ કમિટી અને વન વિભાગ દ્વારા શરતોને આધીન મંજુરી મળેલ છે,

સાંસદશ્રી વિનોદભાઈ ચાવડાએ જણાવ્યું હતું કે વર્ષ ૨૦૦૭/૨૦૦૮ માં ગુજરાત સરકાર દ્વારા રૂપિયા ૪૦ કરોડની બજેટ માં પણ જોગવાઈ કરેલ હતી, રાજ્ય સરકાર દ્વારા અછતનાં સમય માં હયાત રસ્તા પર માટી કામ કરેલ હતું આ રસ્તે અભ્યારણ જાહેર થયા પહેલા એસ.ટી. સેવા પણ ચાલુ હતી પાછળ થી પાકો રોડ બનાવવા વન ખાતા તરફથી મંજુરી ન મળતા આ રસ્તો ડામર કામ થયેલ નથી ૭૩ કી.મી. નાં રસ્તામાં ૪૫ કી.મી. પાકો ડામર સપાટી ધરાવતો રોડ છે, ૪૫ થી ૬૪.૫ કી.મી. રસ્તે અભ્યારણ છે અને ૬૪.૫ થી ૭૩ કી.મી. સુધી પાકો રસ્તો છે.

તાલુકા મથક થી હાલે ખડીર જવા વાયા રાપર થઇ ૧૬૦ કી.મી. નું અંતર કાપવું પડે છે, તેમજ આ વિસ્તારના ૧૧ જેટલા ગામો ને મુખ્ય જીલ્લા મથકે આવન જાવન માટે ૩૨૦ કી.મી. જેટલું અંતર - સમય અને નાણાનો વેડફાટ નું ભોગ બનવું પડે છે, હવે એકલ - બાંભડકા વચ્ચે આવતા ધૂડખર અભ્યારણ માંથી રસ્તો બનાવવાની વાઈલ્ડ લાઈફ કમિટી દ્વારા મંજુરી મળતા ભચાઉ - ખડીર નો રસ્તો માત્ર ૬૦ થી ૭૦ કી.મી. નો થઇ જતા ૧૦૦ કી.મી. જેટલો ફેરો બચી જશે.

વુડનશીપ હડ્ડપ્પનનગરી જોવા લાખો પ્રવાસી આવે છે,જેથી આ માર્ગ બનતા ખુબજ અંતર ઘટી જશે અને પ્રવાશન ક્ષેત્ર ને પણ વેગ મળશે અને તાલુકા મથક ને જોડાતા રસ્તો બનતા આ વિસ્તાર નાં સ્થાનિક લોકોને ખુબજ સારી સવલત - સુવિધા ઉભી થશે તેમશ્રી ચાવડાએ જણાવ્યું હતું.

આ વિસ્તાર નાં  પૂર્વ અધ્યક્ષશ્રી ગુજરાત ગોપાલક બોર્ડ  ચેરમેનશ્રી અરજણભાઈ રબારી, ભચાઉ તાલુકા પંચાયત કારોબારી ચેરમેનશ્રી નરેન્દ્રદાન ગઢવી, સાંસદશ્રી ચાવડા સાથે માન. મંત્રીશ્રી હર્ષવર્ધન જી ની મુલાકાત લઇ રજૂઆત કરતા ફલ સ્વરૂપ વાઈલ્ડ લાઈફ કમિટી દ્વારા ગુજરાત સરકારને આ રસ્તો કમિટીના નિયમો ને આધીન રસ્તો બનાવવાની મંજુરી મળેલ છે તે બદલ આ વિસ્તારના લોકો, જન પ્રતીનીધીશ્રીઓ તથા સાંસદશ્રી એ આનદ વ્યક્ત કર્યો હતો.

- મા આશાપુરા ન્યુઝ ,
ભુજ કચ્છ , ભારત.
94287 48643 વોટ્સએપ ,
97252 06123 - 37,
72260 06124 - 33,

Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB

Email : jaymalsinhjadeja@gmail.com