નખત્રાણા તાલુકાના સે.સી.પી.ઓ વર્ગ-૨ના ને રૂ.૫૦૦/- ની લાંચ કેસમાં સજા..

        આ ફરિયાદી આંગણવાડી સંચાલિકા તરીકે આંગણવાડી કેન્‍દ્ર નં.૪, ડો.આંબેડકર કોલોની નખત્રાણામાં કામ કરતા હોઇ, તેમજ જેનો ચાર્જ હાલે આ આરોપી સંકલિત બાળ વિકાસ યોજનાના અધિકારી પાસે હોઇ, આ આરોપીએ ફરિયાદીને તેમના ઘરે બોલાવી ફરિયાદીના પત્રકોના હિસાબમાં ભૂલ નહીં કાઢવા અને આંગણવાડી કેન્‍દ્રની ઓચિંતી મુલાકાત લઇ સ્‍ટોકના હિસાબમાં તફાવત નહીં કાઢવાની અવેજીમાં એક મહિનાના રૂ.૨૫૦/- લેખે બે મહિના બે મહિનાના રૂ.૫૦૦/- ની લાંચની માંગણી કરી પોતાના ઘરે આપી જવા વાયદો કરેલ વગેરે મતલબની ફરિયાદ હકીકત જાહેર કરી હતી.

        ફરિયાદીની ફરિયાદના આધારે પો.ઇ.શ્રી ભુજ એ.સી.બી. પો.સ્‍ટે. ભુજનાઓએ તા.૧૯/૧/૨૦૦૭ના ભૂખી સરકારી વસાહત, ચોકીદાર કવાટર્સ, નખત્રાણા ખાતે લાંચના છટકાનું આયોજન કરતાં આરોપી શ્રીમતી ઉર્મિલાબેન છોટાલાલ ત્રિવેદી, સી.ડી.પી.ઓ નખત્રાણા વર્ગ-૨ રૂ.૫૦૦/- ની લાંચની રકમ સ્‍વીકારી પકડાઇ જતા ભુજ એ.સી.બી.પો.સ્‍ટે.ગુ.ર.નં.૦૨/૨૦૦૭ થી ગુનો દાખલ થયેલ હતો.

     આરોપી વિરુધ્‍ધ પુરતા પુરાવા પડતા ચાર્જશીટ ભરી સેસન્‍શ કોર્ટ ભુજ મોકલતા સ્‍પે કેસ નંબર ૪૩/૨૦૦૮ તા.૨૭/૨/૨૦૦૮થી દાખલ થયેલ. જે નામદાર સાતમા અધિક સ્‍પે.સેશન્‍સ જજશ્રી (એસીબી) ભુજ-કચ્‍છની કોર્ટમાં કેસ ચાલી જતાં નામદાર કોર્ટે ગત તા.૯/૩/૨૦૧૮ના આરોપીને બે વર્ષની સખત કેદની સજા તથા રૂ.૪૦૦૦/- દંડ, અને જો દંડ ન ભરે તો વધુ બે માસની સાદી કેદની સજા ભોગવવાનો હુકમ કરવામાં આવેલ છે.

- મા આશાપુરા ન્યુઝ ,
ભુજ કચ્છ , ભારત.
94287 48643 વોટ્સએપ ,
97252 06123 - 37,
72260 06124 - 33,

Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB

Email : jaymalsinhjadeja@gmail.com