છેલ્લા ૧૨ દિવસથી પોલીસની ઉંઘ હરામ કરી ચુકેલો ખૂન કેસના આરોપીને પોલીસે પકડી પાડ્યો છે..
આરોપી : કાસમ મામદ નોતિયાર
ગત તા. ૧૯ જાન્યુઆરીના પોલીસ જવાનો પર જીવલેણ હુમલો કરી ને કાસમ મામદ નોતિયાર નાશી છૂટ્યો હતો. જેમાં ૩ પોલીસ જવાનો ઘાયલ થયા હતા અને ત્યાર બાદ પોલીસે ખૂન કેસ ના આરોપી એવા કાસમને પકડવા ચક્રો ગતિમાન કર્યા હતા. પરંતુ કાસમને પકડી પાડવામાં નિષ્ફળ નીવડ્યા હતા. પોલીસના સરદર્દ સમાન બની ચુકેલો કાસુડાને આખરે પોલીસે દબોચી લીધો છે.
આરોપી : કાસમ મામદ નોતિયાર
પેરોલ રજામાંથી નાસતો ફરતો તથા મારામારી તેમજ પોલીસ પર હુમલામાં સંડોવાયેલ આરોપી કાસમ મામદ નોતિયાર ઉ.વ. ૩૧ રહે. મૂળ ચરખડા તા. નખત્રાણા ને શોધી કાઢવા માટે ભુજ શહેર બી-ડિવીઝન પોલીસ, માનકુવા પોલીસ, LCB પશ્ચિમ કચ્છ ભુજ, SOG પશ્ચિમ કચ્છ ભુજ તેમજ ગઢશીશા પોલીસ સ્ટેશનના સ્ટાફનાઓ ની ટીમ બનાવવામાં આવી હતી. ગઈ કાલે કોમ્બીંગ ચાલુ હતું એ દરમ્યાન ગઈ રાત્રે પોલીસને મળેલી બાતમીને આધારે મઉ ગામની સીમમાં ગણેશ છેલો(વોકડો) માં બાવળની ઝાડીમાં સંતાયેલ હોવાની જાણ થઇ અને સમગ્ર પોલીસ કાફલો મળેલ બાતમીને આધારે આ જગ્યા એ રેઇડ પાડતા આરોપી કાસમ મામદ નોતિયાર ઉર્ફે "કાસુડો" પોલીસના સકંજામાં આવી ચુક્યો હતો. આજે સાંજે એટલે કે (૧-૨-૧૮) ના રોજ સાંજે પોલીસે સત્તાવાર જાહેરાત કરી હતી કે આરોપી "કાસુડા" ને ઝડપી પાડવામાં આવ્યો છે. અહેવાલ અને તસ્વીર-કિરણ ગોરી
મા આશાપુરા ન્યુઝ ,
ભુજ કચ્છ , ભારત.
94287 48643 વોટ્સએપ ,
97252 06123 - 37,
72260 06124 - 33,
Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB
Comments
Post a Comment