નવા કરવેરા કે રાહત નહિઃ સરકારે દારૂ મોંઘો કર્યો..

ગુજરાતના બજેટનું કુલ કદ રૂ.૧,૮૩,૬૬૬, પુરાંત ૭૮૩.૦૨ કરોડ, કોઇ કર રાહત નહિ, નશાબંધીમાં દર વધારાના કારણે વર્ષે રૂ.૧૦૬.૩૨ કરોડની આવક વધશે.

નીતિન પટેલની જાહેરાતઃ બજેટમાં કૃષિ, આરોગ્ય અને યુવાનો માટે વિશેષ લાભ..

રાજયમાં નાણાખાતાનો હવાલો સંભાળતા નાયબ મુખ્યમંત્રી શ્રી નીતીન પટેલે આજે ર૦૧૮-૧૯ના વર્ષનું બજેટ રજુ કર્યુ છે. જેમાં કોઇ નવા કરવેરા  ઝીંકવામાં આવ્યા નથી કે નવી કર રાહતો આપવામાં આવી નથી. દારૂને મોંઘો કરવામાં આવ્યો છે. વિદેશી દારૂ પરના દર વધારાના કારણે રાજય સરકારને વર્ષે રૂ.૧૦૬.૩ર કરોડની આવક થવાનો અંદાજ છે. ગુજરાતના નવા બજેટનું કુલ કદ રૂ.૧,૮૩,૬૬૬ કરોડ થયુ છે. અંદાજ અનુસારની પુરાંત રૂ.૭,૮૩.૦ર કરોડ રહેશે. એકંદર અંદાજીત પુરાત રૂ.૮૮૯.૩૪ કરોડ રૂપિયા થશે. નશાબંધી દરોમાં વધારાના કારણે ૧૦૬.૩ર કરોડની આવક થશે. બજેટ લોકસભાની ચુંટણીને ધ્યાને રાખીને બનાવાયું હોય તેવી છાપ પડે છે. બજેટમાં ખેડૂતો માટે તેમજ યુવાનો માટે અને આરોગ્ય તથા શિક્ષણ સુવિધા ક્ષેત્રે ભાર મુકવામાં આવ્યો છે. એસ.ટી. કેન્ટીન દ્વારા મીલટ્રી પર્સોનલ માટે જે વિદેશી દારૂની આયાત કરવામાં તેમાં આબકારી જકાતના દરોમાં ઘરખમ વધારો કરાયો છે.

સ્પીરીટ (રમ) સિવાય ૧ પ્રુફ લિટરમાં રૂપિયા ૭પના બદલે રૂ.રરપ તથા રમ સાથે સ્પીરીટ રૂ.રપ - ૧ પ્રુફ લીટરના છે તે રૂપિયા ૭પ થશે. ૧૭ ટકા કરતા ઓછી સ્ટ્રેન્થ વાઇનના લીટરના રૂ. ૧૦ના બદલે રૂ.૩૦ તેમજ ૧૭ ટકાથી વધારે સ્ટ્રેન્થ વાળા ૧ લીટરના રૂપિયા રૂ.રરપ થશે. બીયરના રૂ.૧૦ - ૧ પ્રુફ લીટરના છે તેના બદલે રૂ.૩૦ - ૧ બલ્ક લીટરના સ્ટ્રોગ બીયરના તેમજ રૂ.૧પ ૧ બલ્ક લીટરના માઇલ્ડ બીયરના થશે. સ્પીરીટ અને વાઇનમાં સ્પેશ્યલ ફી વેચાણ કિંમત રૂ. ૧પ૦૦ સુધી હોય તો સ્પેશ્યલ ફિ રૂ. પ૦૦ પ્રતિ બલ્ક લીટર લાગશે. માઇલ્ડ બિયરની સ્પેશ્યલ ફી રૂ.૩૩, ૧ બલ્ક લીટર થશે. સ્ટ્રોંગ બીયરના રૂ.૪ર ૧ બલ્ક લીટરના થશે. શ્રી નીતિન પટેલે જણાવ્યું હતું કે, ગુજરાત રાજ્ય નશાબંધીની નીતિને વરેલું રાજ્ય છે અને રાજ્યના સ્થાપનાકાળથી આ નીતિનો અમલ કરી રહેલ છે.

ગુજરાત નશાબંધી અધિનિયમ, ૧૯૪૯ અન્વયે રાજ્યમાં નશાબંધી નીતિનો અમલ કરવામાં આવે છે. ગુજરાત રાજ્ય નશાબંધી નિતિને વરેલું હોવા છતાં રાજ્યના પરમીટ ધારકોને, વિદેશી પ્રવાસીઓને-ટુરિસ્ટોને વિદેશી દારૂનું સેવન કરવાની પરવાનગી નિયત નિયમોને આધીન આપવામાં આવે છે અને તે માટે રાજ્યમાં આયાત થતા વિદેશી દારૂ ઉપર આબકારી જકાત અને અન્ય ફી વસુલ કરવામાં આવે છે. જેમાંથી રાજ્યને વેરાકીય આવક પ્રાપ્ત થાય છે. વિદેશી દારૂ પરના આબકારી જકાતના દરોમાં તેમજ અન્ય ફીમાં વર્ષ ૧૯૯૯-૨૦૦૦ બાદ કોઇ ફેરફાર કરવામાં આવેલ નથી. આથી વિદેશી દારૂ ઉપરના આબકારી તેમજ ફીના હાલના દરોમાં વધારો કરાશે.

મા આશાપુરા ન્યુઝ ,

ભુજ કચ્છ , ભારત.

94287 48643 વોટ્સએપ ,

97252 06123 - 37,

72260 06124 - 33,

Youtube : maa news live,

Android app : maa news.

Blog : maanewslive. blogspot. com

Facebook : maa news live page / group

Twitter : @jaymalsinhB