🖋 લગ્ન પ્રસંગે કચ્છ આવેલ અમદાવાદના ક્ષત્રિય પરિવારની કારને અબડાસામાં મીની લકઝરીએ ટક્કર મારતા એક નું મૃત્યુ
નલીયા-માંડવી હાઇવે પર ચેકપોસ્ટ પાસે બેફામ ચાલતી મીની લકઝરીએ અમદાવાદના ક્ષત્રિય પરિવારની કારને ટક્કર મારતા એક મહિલાનું મોત થયું છે. બપોરે બનેલી આ દુર્ઘટનામાં ચાર જણા ઇજાગ્રસ્ત થયા છે. મળતી વિગતો મુજબ ચેકપોસ્ટ પાસે મીની લકઝરી ગાડી નં. GJ-3-AW-9902 વાળી ના ડ્રાઇવરે મારૂતિ કાર નં. GJ-1-HK-1782 ને ટક્કર મારતા કારમાં બેઠેલા વંદનાબા શક્તિસિંહ ઝાલા (40 વર્ષ) નું સારવાર માટે લઇ જતા ગણતરીના સમયમાં મૃત્યુ થયું હતુ. અન્ય 4 જણામાં મયુર રાધુભા પરમાર (37 વર્ષ), જયરાજસિંહ રાણા (12 વર્ષ), હિનાબા રાણા (36 વર્ષ) અને મોનિકાબા પરમાર ઇજાગ્રસ્ત થયા હતા. ઇજાગ્રસ્તો હાલ માંડવી એઇમ્સ હોસ્પિટલમાં સારવાર હેઠળ છે. 5 જણા અમદાવાદ બાપુ નગરના રહેવાસી હોવાનું જાણવા મળી રહ્યું છે.
દુર્ઘટનામાં સૌપ્રથમ પાંચેય ઘાયલને કોઠારા ખાતે લઈ જવાયાં હતા. જો કે, વંદનાબાએ ગણતરીની મિનિટોમાં જ દમ તોડી દીધો હતો. બાકીના ચારેય ઘાયલોને માંડવી એઈમ્સ હોસ્પિટલમાં સારવાર માટે ખસેડાયાં છે. કોઠારા પોલીસના જણાવ્યા અનુસાર પાંચેય જણાં અમદાવાદના બાપુનગર વિસ્તારના રહેવાસી છે. વરાડીયા ખાતે આયોજીત સંબંધીના લગ્નપ્રસંગમાં તેઓ હાજરી આપવા આવ્યાં હતા. બનાવ અંગે ઘાયલોના પરિચિત દિગ્વિજયસિંહ હરિસિંહ ઝાલા(રહે. ઓસ્લો સર્કલ, ગાંધીધામ)એ કોઠારા પોલીસ મથકે બસના ડ્રાઈવર વિરૂધ્ધ ફરિયાદ નોંધાવી છે.
અત્રે ઉલ્લેખનીય છે કે ખાનગી વાહનો પેસેન્જર ઉપાડવાની લ્હાયમાં અકમાત નોતરી બેસતા હોય છે ત્યારે આરટીઓ અને ટ્રાફિક પોલીસ કડક કાર્યવાહી કરે એ ઇચ્છનીય છે અન્યથા આવા અકસ્માતનો સિલસિલો અવિરત રહેશે.
- *મા આશાપુરા ન્યુઝ* ,
ભુજ કચ્છ , ભારત.
*94287 48643 વોટ્સએપ* ,
97252 06123 - 37,
72260 06124 - 33,
*Youtube* : maa news live,
*Android app* : maa news.
*Blog* : maanewslive. blogspot. com
*Facebook* : maa news live page */* group
*Twitter* : @jaymalsinhB
Comments
Post a Comment