કંડલા પોર્ટમાં મોટા કૌભાંડનો પર્દાફાસ, ૮ હજાર લિટર ચોરાઉ ડિઝલ ઝડપાયું..

કંડલા પોર્ટમાં મોટા કૌભાંડનો પર્દાફાસ, ૮ હજાર લિટર ચોરાઉ ડિઝલ ઝડપાયું..

૩ અધિકારી સહીત પાંચ સામે નોંધાઈ ફરીયાદ..

તસ્વીર માત્ર પ્રતીકાત્મક

દિનદયાલ પોર્ટ કંડલામાં ટેન્કરો દ્વારા ઓઈલ ટગોમાં ભરવામાં આવતાં ડિઝલની ચોરીના એક ષડયંત્રનો સેન્ટ્રલ ઈન્ડસ્ટ્રીયલ સિક્યોરીટી ફૉર્સએ પર્દાફાશ કરી ૫.૩૬ લાખના ૮,૦૦૦ લિટર ડિઝલ સાથે બે ડ્રાઈવરોની ધરપકડ કરી છે.

આ ષડયંત્રમાં પોર્ટના સ્ટોર કીપર અને બે મદદનીશ ઈજનેરોની મિલિભગતનો પર્દાફાશ થતાં પાંચેય વિરૂધ્ધ કંડલા મરીન પોલીસ મથકે ફોજદારી ફરિયાદ નોંધાઈ છે.

ગઈકાલે સાંજે ચાર વાગ્યે CISFએ પોર્ટમાં ડિઝલ ઠાલવીને બહાર જઈ રહેલાં બે ટેન્કરની તલાશી લેતાં તેમાંથી 8 હજાર લિટર ડિઝલ મળી આવ્યું હતું. ટેન્કર નંબર GJ 12 Z  293માંથી બે હજાર લિટર અને ટેન્કર નંબર  GJ 12 W 9848 માંથી 6 હજાર લિટર ડિઝલનો જથ્થો મળી આવ્યો હતો. બંને ટેન્કર કંડલા આઈઓસી ડેપોમાંથી ડિઝલ ભરાવી ફ્લોટીલા જેટીમાં લાંગરેલાં ટગમાં ડિઝલ ઠાલવીને પરત જતાં હતા. પરંતુ, ટેન્કરોમાં રહેલું ડિઝલ પૂરેપૂરું ઠાલવાયું નહોતું. CISFએ બંને ટેન્કરના ચાલક રાજેશગર માયાગર ગુંસાઈ (રહે. મોડવદર, અંજાર) અને ઈકબાલ ઓસમાણ લાડક (રહે. ખારીરોહર)ની ઝીણવટભરી પૂછપરછ અને તપાસ કરતાં આ કૌભાંડમાં પોર્ટના સ્ટોર કીપર કે. ભાસ્કર રાવ તેમજ અબ્દુલ અહદ અને એસ.સી. મોહન્તી નામના બે આસિસ્ટન્ટ એન્જિનિયરની સંડોવાળી હોવાનું બહાર આવ્યું હતું. ત્રણેય જણાં ટેન્કર ડ્રાઈવરો સાથે મિલિભગત આચરી પૂરુંપૂરું ડિઝલ ટગમાં નહીં ઠાલવી વધારાનું ડિઝલ ખુલ્લા બજારમાં વેચી મારતાં હોવાનું સ્પષ્ટ થતાં ગત મોડી રાત્રે પોર્ટના અધિકારી રમેશચંદ્ર ભંવરલાલ ચૌહાણે પાંચેય વિરૂધ્ધ કંડલા મરીન પોલીસ મથકે ફોજદારી ફરિયાદ નોંધાવી હતી.

પીએસઆઈએ જણાવ્યું કે, સામાન્ય રીતે એક ટેન્કરમાં 20 હજાર લિટર ડિઝલ ભરાતું હોય છે. પરંતુ, આ લોકો ડ્રાઈવરો સાથે મિલિભગત આચરી પ્રત્યેક ટેન્કરમાં બે થી છ હજાર લિટરની ગાપચી મારતાં હતા. બંને ડ્રાઈવરની ધરપકડ કરી લેવાઈ છે. આ કૌભાંડ કેટલાં સમયથી ચાલતું હતું? અત્યાર સુધીમાં કેટલી માત્રામાં ડિઝલની ચોરી કરાઈ છે ? તેમજ ષડયંત્રમાં અન્ય કોઈ કર્મચારીઓની સંડોવણી છે કે કેમ ? તે સહિતના મુદ્દે પોલીસે ઝીણવટભરી તપાસ હાથ ધરી છે.

મા આશાપુરા ન્યુઝ ,
ભુજ કચ્છ , ભારત.

94287 48643 વોટ્સએપ ,
97252 06123 - 37,
72260 06124 - 33,

Youtube : maa news live,
Android app : maa news.
Blog : maanewslive. blogspot. com
Facebook : maa news live page / group
Twitter : @jaymalsinhB