કાસમ નોતિયાર સાંજ સુધી પોલીસ નાં કબ્જામાં : પશ્ચિમ કચ્છ પોલીસ

🖋 પોલીસ ઉપર હુમલો કરનાર કાસમ હવે હાથવેંતમાં

(અપરાધી કાસમ મામદ નોતિયાર )

પોતાનાં બનેવીની હત્યા કરનાર અપરાધી કાસમ મામદ નોતિયાર , જેલમાંથી પેરોલ ઉપર છૂટ્યો હતો , અને છૂટયા બાદ પરત જેલ ના ફરતાં પોલીસ એને ૧૧ દિવસ પહેલાં પકડવા ગઈ ત્યારે કાસમ નોતિયાર ૩ પોલીસ કર્મચારીઓ ઉપર હુમલો કર્યો હતો ,

આજે ૧૧ દિવસથી કાસમને પકડવા પોલીસ જંગલ અને સિમ ખૂંદી વળી છે , પણ કાસમ હજુ હાથ લાગ્યો નથી.

 આજે પશ્ચિમ કચ્છ પોલીસે મેગા સર્ચ ઓપરેશનમાં એસ.ઓ.જી. , એલ.સી.બી. , એ.ડિવિઝન વ, બી ડિવિઝન , માનકુવા પોલીસ અને વધારાનો પોલીસ કાફલો વહેલી સવારથી ભુજ તાલુકાના વટાછડ ગામ આસપાસના 40 કિલોમીટરમાં ફેલાયેલાં જંગલ-ડુંગરાળ વિસ્તારમાં 100 જેટલાં જવાનો-અધિકારીઓ સાથે મેગા સર્ચ ઓપરેશનમાં જોડાયા છે.

(Advertisement)

કાસુ ને પકડવાની તજવીજમાં પોલીસ ઉપર ફરી એકવાર હુમલો કરનાર નોતિયાર હવે વધુ ખૂંખાર સાબિત થઈ રહ્યો છે , ત્યારે પોલીસ અતિ સાવધાની પૂર્વક સર્ચ ઓપરેશન હાથ ધર્યું છે. પોલીસ પર કાસુડાએ બીજીવાર હુમલાનો પ્રયાસ કર્યાં બાદ હવે પોલીસે ખાલી હાથે પાછા નહીં ફરવાના સંકલ્પ સાથે જડબેસલાક મેગા સર્ચ ઓપરેશન હાથ ધર્યું છે.

 કાસમને દબોચી લેવા પશ્ચિમ કચ્છ એસ.પી. નાં સીધા માર્ગદર્શન હેઠળ , લોકલ ક્રાઈમ બ્રાન્ચ, સ્પેશિયલ ઓપરેશન ગૃપ ઉપરાંત જિલ્લાના વિવિધ પોલીસ મથકના ચુનંદા જવાનોને જોડી કુલ 15 હથિયારબધ્ધ ટીમોને સર્ચ ઓપરેશનમાં કામે લગાડાઈ છે. પાંચથી સાત જણાંની પ્રત્યેક ટીમમાં પીઆઈ-પીએસઆઈ લીડર તરીકે છે. આ ઓપરેશન ની ગંભીરતા એટલી છે કે  સમગ્ર ઓપરેશનનું સુપરવિઝન બબ્બે ડીવાયએસપી એન.વી.પટેલ અને જે.કે. જયસ્વાલ કરી રહ્યાં છે.

(Advertisement)

જાણવા મળ્યું છે કે , ૨૮ જાન્યુઆરી નાં સાંજે માનકૂવા નજીક વટાછડ ગામની સીમમાં કાસમે માનકૂવાના પોલીસ કોન્સ્ટેબલ પર ફરસીથી હુમલાનો નિષ્ફળ પ્રયાસ કર્યો હતો. ત્યારબાદ તે ડુંગરાળ સીમ વિસ્તારોમાં જ ફરતો રહ્યો છે. પોલીસ વિવિધ ગામોમાં પેટ્રોલીંગ કરી રહી છે પરંતુ તે વસતીવાળા વિસ્તારોનાં બદલે સીમાડાઓમાં લપાતો રહ્યો છે. અતિ ગુન્હાહિત કૃત્ય માં પાવરધો બની ગયેલો કાસમ મામદ નોતિયાર સીમમાં ફરતાં માલધારીઓના ખોરાક-પાણી ઝુંટવીને દિવસો પસાર કરી રહ્યો છે.

પોલીસે જણાવ્યું છે કે આજ સાંજ સુધી કોઈપણ સંજોગોમાં કાસમ ને પકડી પાડવામાં આવશે.

- *મા આશાપુરા ન્યુઝ* ,
ભુજ કચ્છ , ભારત.

*94287 48643 વોટ્સએપ* ,
97252 06123 - 37,
72260 06124 - 33,

*Youtube* : maa news live,
*Android app* : maa news.
*Blog* : maanewslive. blogspot. com
*Facebook* : maa news live page */* group
*Twitter* : @jaymalsinhB